Azken aldian bertso eskola eta bertsoa bera alboratuta izan dituela aitortu du. «Denboraz estu samar ibili naiz burua berriz martxan jartzeko eta nahikoa lan izan dut».
Bertsotan modu naturalean egitea izango da berastegiarraren helburu nagusia: «Ez dut uste ezer berria erakustera natorrenik. Ez dut sailkapenari begira egoteko asmorik. Hala ere, nire azken urtea izango denez, ederra litzateke udazkenean agurtzea».
Gorostarzuk beti izan ditu ofizioak gustuko. «Horrek betetzen nau gehien. Aldiz, bakarka gaia emanda egin beharreko ariketak sortu izan dizkit kezka handienak, baina egoera horri buelta ematea lortu dudala esango nuke», nabarmendu du.
Gorostarzuk maiatzaren 10ean, ostirala, kantatuko du Mutrikun. Zabiel Kultur Etxea izango da saioa, 19:00etan hasita. Ondorengo bertsolariak ariko dira: Ane Peñagarikano Leiva, Izarne Zelaia Arratibel, Iñigo Gorostarzu Etxebeste, Jon Mendiluze Mujika, Josu Ibarguren Elosegi eta Manex Astigarraga Bergara.
