Berastegiko inauterietan mozorro lehiaketa egin dute. Parte hartzaileek argazki eta bideoak egin behar izan dituzte, eta jasotako materialarekin bideo bat osatu du udalak. Astebeteko epea izan dute mozorro hoberena bozkatu ahal izateko, eta osatu dute podiuma.
Klaudio Landak aurkezten duen Baserria saioa interpretatu dutenak izan dira irabazleak, 86 botorekin. Bigarren Autobus Magikoa antzeztu dutenak geratu dira 15 boto jasota. Eta azkenik, 8 botorekin, ile apaindegiko emakumeak osatu dute podiuma.
Talde irabazleak arbia eskuratu du sari gisa, eta hurrengo urteko inauterietan txupinazoa botatzeko aukera izango du.