Festen hirugarren eguna badute ere, sasoi betean daudela erakutsi dute berastegiarrek. Kirola izan da protagonista egun guztian zehar; goizean, haurren frontenis txapelketako eta pala txapelketako finalak jokatu dituzte, eta arratsaldean herritarren arteko herri kirolak egin dituzte. Gazte eta ez hain gazteez osatutako bi talde egin dituzte; urdinak eta gorriak. Lokotxak biltzen, zakuarekin korrika, korrika, trontzan, lastofardoa altxatzen, denetarik ikusi ahal izan da.
Horrez gain, Ibon Garaiburu berastegiarrak eta Unai Zabala leaburu-txaramarrak bi saio egin dituzte aizkoran, eta Zabalak irabazi du lehia.
Kirol saioaren ondoren, perku poteoa egin dute eta herri afaria ere egingo dute. Ondoren, Salontzotako kartel lehiaketako eta leiho, lorategi eta balko lehiaketetako sari banaketa egingo dute. Gauean, berriz, DJ Andoni arituko da musika jartzen.
Ikusi hemen biharko egitaraua.
