Ostiralean, beroketa lanetan aritu ziren herritarrak bola eta toka txapelketa herrikoian, baina gaur abiatu dituzte, ofizialki, San Joan jaiak Belauntzan. Txupinazoaren ostean herriko gazteen dantzak izan dira ikusgai, eta arratsaldean, berriz, herriko gazteen arteko herri kirolak. Plazan egin dute erakustaldia eta bost kideko bi taldeetan aritu dira trontzan, lokotxetan, txingetan eta korrika. Herritar ugari gerturatu dira kirolariei animoak ematera, eta giro ederrean aritu dira lehian. Horren ostean, Tio Teronen semeak taldearen dantza emanaldia izan da pilotekuan.
Hala ere, datozen egunetan izango da zertaz gozatu Belauntzan. Ikusi hemen programazioa.