Agurra dantzatu, bertsoak kantatu eta loreak oparitu dizkiote Asteasuko alkate ohiari. Euskararen alde egindako lan eskertu nahi izan diote Pello Errota eskolako umeek.
Haiei zuzendu zaie Legarra ekitaldiaren amaieran eta zera esan die: «Izan gaitezen euskaldunak. Aurtengo korrikaren leloak dioen moduan Euskara gara. Ikasi eta erabili dezagun etxean eta kalean. Euskara da elkartzen gaituena, gure nortasuna zehazteko giltzarria eta horretan denok beharrezko gara». Teresa del Valle zena gogoan hartu du alkate ohiak, eta azaldu du Donostian omenduko dutela datorren ostegunean.
