432 punturekin seigarren geratu da Tolosako saioan Haritz Mujika. "Egin beharrekoa" egin duela uste du asteasuarrak, "saio duina" eginez. "Banuen hainbeste jenderekin beldurra sentituko nuenaren ustea eta ondorioz, saioan sartu ezin izango nuela, baina, hasieratik eroso sentitu naiz", esan du.
Txapelketaren inguruan galdetuta, "luzea eta nekagarria" izan dela dio asteasuarrak. "Orokorrean balantze positiboa egiten dut, azken finean lanera bultzatzen gaituelako eta beste irrika batekin egiten duzulako bertso eskolako buelta. Irunen kartzelakoarekin ez nintzen gustura geratu, Oñatin, berriz, oro har, saio osoarekin ez nintzen gustura geratu, baina kartzelakoarekin bai, eta Tolosakoan nire ustez saio osoan nire mailatxoa eman dut eta gustura noa etxera".