Aitor Hernandez XVI. Asteasuko Ziklokros proban egongo da, larunbatean. Denboraldi honetan, bizkaitarrak ez dauka aurkaririk ez Euskal Herrian eta ezta estatu mailan ere. Hernandezekin batera, Ruiz de Larrinaga, iazko txapelduna, Asteasun izango da hilaren 6an.
Maila ezberdinetako txirrindulariak eta lasterketak antolatu dituzte Aitzondo elkartekoek, urtero bezala. Lehenak irteten, kadeteak izango dira, 10:00etan. Juniorrek eta elite mailako emakumeek 11:00etan hartuko dute irteera. 23 urte eta elite mailako gizonezkoak izango dira 12:00etan irtengo direnak. Hauek helmugaratzean amaituko da Asteasuko lasterketaren hamaseigarren edizioa.
Aurreko urteetan bezala, Aitzondokoen helburua lasterketa antolatzea da, izan ere, urtetitik urtera zailtasunak gero eta handiagoak direla gogoratu dute. Aurtengoa lortu dute, ea XVII.arekin zer geratzen den.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!