Martxoaren 23an iritsiko da 24. Korrika Tolosaldera. Herriz herri ari dira ekitaldiak antolatzen eta Anoetan, egun horretan bertan, afari barrikotea egingo dute frontoian. Bertara joan nahi dutenek aurrez izena eman beharko dute Arkupen, Itzulin eta liburutegian jarrita dauden zerrendetan.
Bide batez, martxoaren 13an, Anoetako plazan, Korrikako petoa erosteko aukera egongo da. 18:00etatik 19:00etara postua jarriko dute plazan. Sei euroan egongo da salgai.