Arrazakeriaren Aurkako Eguna izaki, Tarana Karim giza eskubideen ekintzailearekin islamofobiaz ariko dira gaur, Anoetako liburutegian. Bere ustetan, "geroz eta beldur handiagoa du gizarteak musulman edo islamarekin lotutakoekin". Anoetako liburutegian jorratuko dute gaia 15:30etik aurrera.
Ekintzailearen ustetan, beldur, zalantza edo gorroto sentimendu hori eragozteko bideak badaude, eta "bi aldeetatik landu behar den gaia da". Komunikabideetatik zabaltzen den informazioetatik sortzen dela beldur hori uste du: "Gero, elkar ezagutzen dutenean, konturatzen dira ez dagoela beldurra izan beharrik, baina, kontua da ezagutzeko zailtasunak daudela". Izan ere, berak azaldu duenez, "jendeak mugak jartzen dizkio buruari beste kulturetara gerturatzeko".
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!