"Pentsamolde ezberdinen gainetik norbanako guztiak batzea ezinbestekoa da"

Larunbaterako Sarek Bilbon manifestaziora deitu ditu herritarrak euskal presoen eskubideen alde, 'Prest Gaude!' lelopean. Azken hilabeteetan gizartearen aldetik ematen ari den indar metaketaren bidean kokatzen du Sarek ekimena. Egoitz Luisa Sareko kideak azaldu duenez, "zoritxarrez urtero errepikatzen den mobilizazioa da larunbatekoa, baina, pentsamolde ezberdinen gainetik norbanako guztiak presoen giza eskubideen defentsan batzea ezinbestekoa da". Hala, larunbatean Bilbora joateko Tolosan nahiz eskualdeko beste herrietan antolatu diren autobusetan izen ematera gonbidatu ditu herritarrak.