Kalderero egunean egin izan dute orain arte Dantza-Soka eguna Anoetan, baina azkeneko urteetan parte hartzeak behera egin duela ikusita, balorazio bileran dataz aldatzea erabaki dute. Apirilaren 16rako prestatu dute egun osoko festa.
Urtero bezala, herriko gazteak baserriz baserri arituko dira goizean dantzan, eta eguerdia aldera plazan eskainiko dute dantza. Ikastolako DBH2ko mailatik gorako gazte eta helduek har dezakete parte Dantza-Soka egunean, eta izen-emateko zerrendak Itzuli tabernan daude jarrita dagoeneko, apirilaren 13ra arte.
Bestalde, entsegu orokorrak bi ostegunetan izango dira: apirilaren 7an eta 14an, 20:00etan frontoian.
Egitaraua:
08:30: Plazan elkartuko dira dantzariak.
08:45: Herriko baserrietara abiatuko dira.
13:00: Dantza egingo dute mutilek, plazan.
14:30: Babarrun jatea izango da Kuku elkartean.
18:00: Itsas Lapurrak dantza emanaldia.
Ondoren, erromeria, Ezten Giro taldearekin. Taloak izango dira salgai.
Haatik dantza konpainiaren Itsas Lapurrak emanaldian herriko bi dantzarik hartzen dute parte: Anne Jauregik eta Amaiur Luluagak.