Gasteizko Europa jauregian izan zen Bikain 13, biratu euskara! lelopean egin zen Bikain euskararen ziurtagirien banaketa ekitaldia. Tartean, Amezketako Udala izan zen bere Euskararen Kalitate Ziurtagiriaren goi maila egiaztatzen duen Bikain ziurtagiria jasotzen.
27 entitate publiko eta pribatuk jaso zuten ziurtagiria; horietatik hamabik goi-mailako urrezko Bikain egiaztatu dute, hamalauk tartekoa den zilarrezkoa eta batek oinarrizkoa. Iñigo Urkullu lehendakariak banatu zituen ziurtagiriak Bigen Zupiria sailburuarekin batera.
Hamahiru urteotan euskararen erabilera areagotu nahi izan duten erakunde publikoei eta pribatuei ekarpen kualifikatuak egin dizkie Bikain ziurtagiriak, eta baita euskararen normalizazioan egindako lana aitortu ere.