Sua itzaltzea lortu dute Aralarren

Tolosaldeko Ataria 2019ko ots. 27a, 21:39

Goizaldean Aralarko Zabalegi mendian sortu den sutea itzaltzea lortu dute. Dena dela, bi erretenek bertan jarraitzen dute zaintza lanak egiten. Sua berpizteko arriskua dagoenez, gaua ere bertan pasako dute.

Tokia malkartsua da, eta zailtasunak izan dituzte suak hartu dituen bazter guztietara iristeko.

Lurra oso lehorra dagoela jakinarazi dute, eta hego haizeak horretan laguntzen duela. Baina, gaurkoan, ez da haize bortitzik ibili, eta basozain eta suhiltzaileek hori aldeko izan dute.

Sutea nolatan piztu den jakiteko ikerketa zabalik dago, eta oraindik ziurra ez bada ere, hipotesi nagusia norbaitek piztua izan dela da, aldundiko ordezkarien ustez.

 

Erlazionatuak

[EGUNERAKETA] Suak piztuta jarraitzen du

Tolosaldeko Ataria 2019 ots 27 Amezketa

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!