Amezketan dauden etxe hutsen alokairua sustatu nahi du udalak, eta horretarako prozesu parte hartzailea abiarazi du. Herrian egindako azterketaren emaitzak partekatu dituzte jada, herritarrekin, baina orain etxe hutsen jabe diren eta errentan jartzeko prest dauden herritarrekin bildu nahi dute. Horretarako bi bilera egingo dituzte kultur etxean; maiatzaren 31an eta ekainaren 14an, larunbatak, 10:00etatik 13:00etara.
Etxe hutsen inguruan egindako azterketako emaitzak etxez etxe banatu ditu udalak. Bertan herrian zenbat etxe huts dauden eta zein egoeratan dauden azaltzen da, eta baita alokatzeko zein aukera dauden ere.
Udalak azaldu duenez, Amezketako etxebizitzen %20a hutsik dago, eta datua "kezkagarria" da, izan ere, %7 kopuru altutzat jotzen da. "Egun bizi dugun egoera dela eta, datozen 15-20 urteetan etxebizitza berriak eraikitzea oso zaila izango da", gaineratu dute udal ordezkariek.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
