Korrika ofiziala goizean Amasa-Villabonatik pasa bada ere, arratsaldean korri egiteko bigarren aukera izan dute herritarrek. Izan ere, Villabonako kaleetan barrena izan da Korrika Herrikoia.
Euskararen aldeko aldarri bikoitza egin dute billabonatarrek. Korrika herrikoia herriko hamalau eragilek hauspotzeko ohorea izan dute.
Onddo, Oinkari, Erniobea, Fleming, mugimendu feminista, Harituz, Malkar, Sahrijai, tokiko komunikabideak –tartean, Ataria–, Galtzaundi, Zubimusu, Oinargi eta Loatzoko ordezkariak herriko kaleetan ibili dira korrika, euskararen alde. "Segi dezagun denon artean euskara bultzatzen, tipi-tapa tipi-tapa euskaraz", esan diete antolatzaileek, Korrika Herrikoian parte hartzeagatik eskerrak emanez batera.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
