Presoekin gogoratu dira urteko azken egunean

Euskal presoak Euskal Herrira gerturatzearen aldeko elkarretaratze eta mobilizazioak egin dituzte gaur, eskualdeko hainbat herritan. Amasa-Villabonan esaterako, manifestazioa egin dute.

Errebote plazatik abiatu da Orain presoak! Euskal Presoak Euskal Herrira lelopean egin duten manifestazioa. Herritar ugarik egin dute bat deialdiarekin eta ilaratan, segurtasun neurriak errespetatuz, manifestazioan egin dute Zizurkilgo Joxe Arregi plazara bitarteko bidea. Mobilizazioaren buruan, pankarta eramaten, Zizurkil, Aduna, Asteasu eta Amasa-Villabonako alkateak joan dira. Izan ere, herri horietako eta Alkizako udalbatzek euskal presoen urruntze politikarekin amaitzearen aldeko erakunde adierazpena landu eta onartua dute, eta gaurko manifestaziora joateko deia egin zuten. Gogoratu behar da Manex Castro, Iñigo Guridi eta Juan Carlos Besance preso billabonatarrak gerturatuko dituztela jakin dela aste honetan bertan.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!