EAJ alderditik adierazi dutenez: "Orain dela urte luze bat, Villabonaren alde lan egiteko konpromisoa hartu zuen, eta billabonatarrek konpromisoa gugan jarri zuten". Era berean, "Herritarrengandik gertu eta gobernu onean oinarritutako egitaraua aurkeztu genuen, baita elkarrekin krisialdiari aurre egitekoa eta herritarren ongizatea bermatzeko planifikazio zorrotza ere", gaineratu dute.
Emandako hitzari eutsiz "gure herriarekiko konpromisoa azaldu nahi dugu berriro". Eta guztien artean Villabona hobetzeko lanean jarraituko dutela adierazi du alderdiak.
Helburu tinko horri helduta, laster ezagutarazi dute nor izango den Iban Arregiren ordezkoa alkatetzan. "Pertsona horrek Villabonarekiko konpromiso sendoa edukiko du, baita zerbitzu publikorako bokazioa eta lidergo-ahalmena ere".