Martxoaren 23an iritsiko da 24. Korrika Tolosaldera, eta motorrak berotzen hasiak dira Altzon. Goizean eguraldia alde izan ez badute ere, euskararen alde lasterka egitera atera dira herritarrak. Guraso Elkarteak lagunduta, ikasleek petoak, pankartak eta abarrak prestatu dituzte. Prestaketa lanak eginda, plazan bildu dira haurrak zein gurasoak eta Korrika Txikia abiatu dute bertatik. Herrigunetik bi buelta eman ostean, plazan amaitu dute Korrika Txikia.
Horrez gainera, hainbat herritar bildu dira elizako atarian. Bertan Korrika lagun egiteko, materiala erosteko, Errigora produktuak ezagutzeko edota salda beroa hartu eta pintxoa jateko aukera izan da.
