Karmen Murua Altzoko kultura zinegotziaren hitzek zabaldu dute ekitaldia eta Aranzadi zientzia elkarteko kideentzat esker hitzak izan ditu. Elkarteko ikerlari den Karlos Almorza izan da proiektuaren promotorea eta gaurko ekitaldian lanketak izan dituen urratsak eman ditu ezagutzera.
Aurkikuntzaren inguruko xehetasunak, berriz, Lourdes Herrastik eman ditu eta Altzoko Handiaren hezurrak aurkeztu ditu jendaurrean. Hezur horien erreplikekin ariketa bat egin ahal izan dute, gainera, bertaratu diren gaztetxoek: Migel Joakin Eleizegi zenaren hezurdura osatzeko lanean jardun dute umeek.
Ekitaldian izan dira Altzoko Handiaren ondorengoak eta baita Aitor Arregi ere, Handia filmaren zuzendarietako bat.