Langaurreko aisialdi eremua berritzeko zenbait lan ari dira egiten. Alegiako Udalak adierazi du «martxa onean» ari direla gauzatzen lanak, eta espero duela udan herritarrek eremuaz «gutxienezko baldintza duinetan» gozatu ahal izatea. Aipatutako lanen barruan ari dira hondatuta dauden instalazioak konpontzen, ingurua garbitzen eta azpiegitura berriak ezartzen.
Proiektua elkarlanean garatu dute Alegiako Udalak eta Tolosaldea Garatzen agentziak, eta Next Generation funtsetatik finantzatu dituzte. Lanek, guztira, 111.000 euroko aurrekontua dute.
