Alegiarrek ikaztegietarren eskutik jaso dute lekukoa eta eskuz esku pasa dute. Intxurrek, guraso elkarteak, ikastetxeek, Txintxarri elkarteak, gaztetxeak eta beste hainbat eragile atera dira Korrikan.
Alegian lekuko hartze asko izan ditu Korrikak. Behin herrigunea zeharkatu eta Altzoko bidegurutzeraino egin ondoren, saihesbidetik Altzo azpiraino joan da, eta handik Alegiako bidegorrian barrena egin du bidea. Tartean, Altzoko eta Amezketako herritarrek hartu dute lekukoa, baita euskal diasporako kideek ere.
Dagoeneko Tolosara iristen, euskal diasporako lagunek eta Gure Zirkuak ere hartu nahi izan dute parte euskararen aldeko lasterketan.
Argazkiak: AEK
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!