Tolosaldean eguraldiari lotutako hainbat datu hartzen dituzten zazpi estazio meteorologikoetako bat da Alegiakoa. Alegian dago, 90 metroko altueran. Alegiako estazioan jasotako tenperatura datuen lanketa egin du Atariak. Aipatu behar da guztia Euskalmetetik jasotako datuetan oinarrituta egin dela eta zenbait hilabeteetako datuak ez direla ageri.
2015. urtean lehen postuan
Eskualdeko zazpi estazioen artean, garaiera kontuan hartuta, baxuen dagoen estazioa da Alegiakoa, 90 metroko garaieran. Hala ere, tenperatura bero eta hotzetan garaierak garrantzia duela uste bada ere, beti ez da horrela izaten. Izan ere, azken 22 urteetako datuak aztertuta, Zizurkilgo estazioan jaso dira batez besteko tenperatura altuenak. Baina, falta den urtean, 2015ean, Alegiakoak markatu zuen batez bestekorik handiena, 14,89 gradu, Zizurkilgoak baino 0,17 gradu gehiago.
Eskualdeko batez bestekotik gora
2015 urteko hilabetez hilabeteko batez besteko datuak ikusita, hamabi hilabetetatik hamaiketan eskualdeko batez bestekoa gainditzen duela ikusten da; batean, abenduan, batez bestekotik behera dago, ia gradu bat.
