Alegiako Herri Eskola izena izango du aurrerantzean

Tolosaldeko Ataria 2019ko eka. 3a, 14:59

Alegiako eskolako ikasle, irakasle eta gurasoek San Juan eskolaren izena aldatzeko egin duten lanak bere emaitza eman du. Aurrerantzean, Alegiako Herri Eskola izena izango du ikastetxeak.

Urte osoko lanaren emaitza eskolako festaren egunean eman zuten ezagutzera, larunbatean. Iturrizahar guraso elkartetik jakinarazi dute: "Eskolaren festaren barruan antolatua geneukan Altxorraren bila arrakastatsu batean parte hartu genuen ikasle eta gurasoek, eta denen artean, ireki genuen 'altxorra': eskolaren izena zeukan pankarta".

Alegiako Herri Eskola, Txintxarri, Intxurre, Iturri Zahar, Elorripe eta Aralarpe ziren amaierako fasera iritsi ziren izenak, eta bozketa eginda, Alegiako Herri Eskola izan da aukeratua.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!