Eszenatokian ez zegoen beste inorentzat lekurik. Tolosako txistulariek, Txintxarri txiki abesbatzakoek eta Txintxarri abesbatzako kideek betetzen zuten guztia. Haien kantu eta musikari Sutarri dantza taldekoek egiten zizkioten ekarpenak, hauek lurrean. Horien aurrean, jendetza zegoen aulkietan eserita alardeari begira. Kantatzen eta txaloak jotzen aritu dira guzti-guztiak. Emanaldiaren erdialdean, Alegiako udalak herriko txistulariak eskertzeko tartea hartu du, izan ere, Elena Alustizak, Izaskun Lopetegik eta Rikardo Intxaustik utzi egin dute txistulari jarduna.