Atzoko 14:30ean jaso zuen deia Ertzaintzak. Herriko bidegorritik zihoan emakume bati ustez sexu eraso bat egiteagatik 20 urteko gazte bat atxilotu zuten. Bi aldiz gurutzatu zen emakumea erasotzailearekin eta bigarrengo aldian, berokiaren atzeko partea altxatzen eta galtzak jaisten saiatu zitzaion gizonezkoa. Bertatik ihes egitea lortu zuen emakumezkoak.
Ustezko erasotzailearen deskribapena jaso ondoren Alegiako kaleetan topatu zuten eta identifikatu ondoren atxilotu egin zuten. Tolosako epaitegiaren esku utzi ondoren, libre geratu zen gizonezkoa. Epaitegi horretan hilean bitan azaldu beharko du.