San Anton ermitan 10:00etan meza eta bedeinkapena ondoren hamaiketakoa egingo dute. San Anton animalien zaindaria denez, animalia ezberdinak eramaten ditu jendeak ermitara, eta meza ostean, ur bedeinkatuarekin bustitzen dituzte urte osoan osasuna izan dezaten.
Erosketak: bermeak eta itzultzeak izango da hitzaldiko gaia, eta Bizi Nahi elkartean egin dute hitzordua.
Laskorain ikastolak antolatuta hitzaldia Alvaro Beñaran Pedagogia Terapeutikoan lizentziatuak eskainiko du. Psikomotrizista terapeuta da, eta guraso eta irakasle formatzailea ere bai. Honako gaiak jorratuko ditu bere hitzaldian: Haurraren garapenean autonomiak duen lekua eta garrantzia. Nola lagundu gure seme – alabei bide hau eraikitzen? Haur baten ziurtasuna bermatzeko eman beharreko pausoak eta helduaren rola. Nire seme-alaba zoriontsua izatea nahi dut, hau da nire helburua. Nola ulertzen dugu zoriontasuna? Finean, gure seme-alabak etorkizunerako prestatu behar ditugu. Zein zailtasun eta beldur ditugu haurrak hezterako garaian?
Udazkeneko euskal jaiko gaia aukeratuko dute bileran.
Zine Foruma. Jatorrizko bertsioan, gaztelerazko azpidatziekin. Bi saio: 19:15 eta 21:45.
Txotxongilo animatuak erakusketa. Lourdes Villagomez eta Coke Rioboo-k komisaro-lanak egin dituzten erakusketa honetan zine, telebista, publizitate eta abarrean erabiltzen den stop motion animazioaren teknikaren begirada eta ibilbidea azaltzen da. Txotxongilo animatuak erakusketak, espainiar estatuan animatzaile garaikide independenteek berriki eginiko lanetan oinarrizten da. Animazioa adierazpen pertsonalerako erreminta gisara erabiltzen duten artisten panpin, dekoratu eta filmak aurkezten zaizkigu. Horien artean ondorengo artistak aurki ditzakegu: Isabel Herguera, Fernando Cortizo, Eduard Puertas, Irene Iborra, Anna Solanas, Marc Riba, César Díaz, Sam Ortí, Virginia Curiá, Tomás Conde, Lula Gómez, Cristina Vilches, Valle Comba, Asis Merino eta Coke Riobóo.
Juan Jose Arinen argazkiekin osatutako erakusketa ikusgai dago, Ibarrako kultur etxean.