Adunako Eskola Txikien festa dela eta, erronka bat proposatu dute eskolatik. Ekimenean parte hartu nahi dutenek, material birziklatua erabilita eskulanak egin beharko dituzte. Hil bakoitzeko erronka bat izango da, otsailetik maiatzera bitartean. Erronka guztiak egiten dituztenen artean, sari bat zozkatuko da.
Eskulanak egin ahala, parte hartzaileek argazkiak sareetara igo ditzakete eta @adunakoeskolatxikienfesta kontuarekin lotu. Bestalde, argazkiak bidali daitezke adunakomunikazioa@gmail.com helbidera, hileko azken ostirala baino lehen.
Antifazak egitea da otsailerako proposatu duten erronka.