Ipuzkoa ala Gipuzkoa?

Iñigo Terradillos 2018ko mai. 2a, 16:29

«Ipuzkoa izena zuen Oria bailarak lurraldea Nafarroa zen garaian. 1200. urtean Gaztela sartzean 'G'-a erantsi zioten eta ordutik hasi zen Gipuzkoa erabiltzen», halaxe kontatu digute Ipuztar nafarrak taldeko kideek.

Maiatzaren 1ean, mendi martxa egiten dute, urtero, Larraiztik atera eta Ausa-Gaztelura, gazteluaren aztarnak dauden lekura. Han ekitaldia egiten dute, bandera jarriz.

Aurten, Larraitzen burdinazko oroitarria ere jarri du Nabarraldek, eta ekitaldia egin zuten, maiatzaren lehenean, Abaltzisketako Udalarekin elkarlanean, "Nafarroa zela eremu hau gogoratzeko, eta ondorengoek ezagutu dezaten".

Honako hau dio oroitarriko testuak: «Abaltzisketako herriak eta Goierriko ipuztar nafarrok oroit ikur hau jarri dugu Ausa-Gazteluko oinetan. Arbasoen lurra Nafarroa dela eta Nafarroarekin Estatu ginela ondorengoek ere oroit dezaten».

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!