Abiatu dituzte Andra Mari jaiak Zizurkilgo herrigunean: gaur hasi eta larunbatera bitarte ospatuko dituzte herriko festak. Herriko gazteak —baserritarrez jantzita— 06:30ean abiatu dira baserriz baserri oilaskoak biltzera, eta plazan bildu dira eguerdian dantzaldia egiteko.
Segidan-segidan, eraso sexisten aurkako argazkia ere atera dute gazteek zein herritarrek plazan bertan. Arratsaldean jarraituko du jai giroak: pasaka modalitateko pilota partidak jokatuko dituzte zimiterioan, eta 18:30ean hasiko da Elektrotxufla elektrotxaranga.
Festen hasierako suziria, berriz, 20:00etan piztuko du aurtengo Txapel Eguneko txapeldunak, hain zuzen, Luix Urkolak .
