Herri Memoria taldeak, «memoria osoa aldarrikatzeko», ekitaldiak antolatu ditu otsaila eta martxoan zehar Zizurkilen. Egitarauaren barruan azkeneko hitzordua izango dute ostiralean, martxoaren 14an, Iriarte kultur etxean. Paco Etxeberria auzi medikua ariko da bertan 19:00etatik aurrera.
Euskal Herrian inoiz egin den torturaren inguruko ikerketa zabalena gidatu du Etxeberriak eta gerra zikineko hainbat kasu argitzen ere parte hartu du. Bere esperientziatik hitz egingo du ostiraleko hitzaldian.