Zarauzko Aritzbatalde Udal Kiroldegi bete batean jokatu zen atzo, Gipuzkoako Bertsolari Txapelketako bigarren finalaurrekoa. 1.400 bertsozale bildu ziren, sarrera guztiak saldu zirelarik. Sei bertsolari aritu ziren kantuan, tartean Zizurkilgo Unai Mendizabal Jauregi. Lan puntuagarriak amaituta, Alaia Martin Etxebestek bildu zituen puntu gehien, 544,5, eta zuzenean sailkatu zen finalera. Zizurkildarrak laugarren egin zuen 504,5 puntu eskuratuta. Horrela geratu zen sailkapena:
- Alaia Martin Etxebeste, 544, 5.
- Eneritz Artetxe Eizagirre, 519,5.
- Aner Peritz Manterola Euzkitze, 512.
- Unai Mendizabal Jauregi, 504,5.
- Amaia Iturriotz Etxaniz, 493,5.
- Eneko Araiztegi Agirre, 462.
Hurrengo saioa datorren igandean, abenduaren 1ean, jokatuko da, Arrasaten. Saioa bukatzearekin bat, finalean abestuko duten zortzi bertsolarien zerrenda osatu ahal izango da. Arrasaterako sarrerak, betiko moduan, Bertsosarrerak.eus atarian daude, eta aurretik bukatzen ez badira, Uarkape pilotalekuko txarteldegian, egunean bertan.
