Mujikak ez du lortu finalerako pasea

Leyre Carrasco 2023ko urriaren 8a
Deskargatu Info Ahotsak :
Español English Français Català Galego

Finalerako txartela gertu izan du Jexux Mari Mujika ibartarrak, kanporaketa seigarren amaitu ondoren. Julen Alberdi 'Txikia IV.a', Mikel Larrañaga eta Ugaitz Mugerza izango dira finalean.

Euskal Herriko 3. Mailako Aizkora Txapelketako kanporaketa jokatu da arratsaldean, Zizurkilgo Intxaur pilotalekuan. Bigarren kanporaketa izan dute jokoan eta hamahiru aizkolari aritu dira lehian. Tartean Jexux Mari Mujika ibartarra izan da. Hiru kirolari azkarrenak eskuratu dute finalerako pasea eta ibartarrak ez du postu horietan proba amaitzea lortu. Hurrenez hurren, Julen Alberdi Txikia IV.a, Mikel Larrañaga eta Ugaitz Mugerza izango dira finalean.

Sailkapenak

  1. Julen Alberdi Txikia IV.a: 07,11
  2. Mikel Larrañaga: 07,24
  3. Ugaitz Mugerza: 07,56
  4. Ibai Soroa: 08,18
  5. Asier Pellejero: 09,02
  6. Jexux Mari Mujika: 09,20
  7. Eloy Corchero: 10,05
  8. Ioritz Gisasola: 10,06
  9. Julen Kañamares: 10,41
  10. Xabat Olaizola: 12,49
  11. Miguel Martin: 14,06
  12. Urtzi Olasagasti: 14,11
  13. Hermenegildo Herrero: 19,39
kirola Zizurkil

Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!


EGIN ATARIKIDE!