Joan den ostegunean eta ostiralean jokatu zituzten Zizurkilgo III. Lau eta erdiko Intxaur Txapelketa Abeletxe Sariko finalerdiak eta, honenbestez, finkatuta geratu da finalean arituko diren pilotarien zerrenda.
Finalerdietako emaitzak hauek izan ziren: emakumezkoetan, Zabaleta (Aurrera Leiza) 22-18 Erasun (Behar Zana), eta Garai (Zaramaga) 22-12 Ruiz de Infante (Ados Pilota); gizonezko promesetan, Perurena (Tolosa Aurrera) 22-19 Ituarte (Lapke) eta I. Egiguren (Ilunpe) 22-16 Rekalde (Txumulutxueta); eta elite mailan, J. Alberdi (Tolosa Aurrera) 22-9 Etxaniz (Bergara) eta Anso (Zugarralde) 22-13 Fernandez (San Cosme).
