Gaur, lehen partidan emakumezkoen mailako Garai eta Ruiz de Infante izango dira aurrez aurre, bigarrengoan gizonezkoen promesa mailako Egiguren eta Rekalde, eta hirugarrengoan emakumezkoen mailako Erasun eta Zabaleta. Bihar, lehen partidan gizonezkoen promesa mailako Ituarte eta Perurena ariko dira, bigarrengoan elite mailako Alberdi eta Etxaniz, eta hirugarrengoan elite mailako Fernandez eta Anso.
Final-laurdenetako azken bi jardunaldietan emaitza hauek izan ziren: emakumezkoetan, Garai (Zaramaga) 22-12 Etxegarai (Aloña Mendi), eta Beitia (Lea Ibarra) 4-22 Ruiz de Infante (Ados Pilota); gizonezko promesetan, Ituarte (Lapke) 22-13 Apaolaza (Hernani) eta Perurena (Tolosa Aurrera) 22-11 Sasiain (Abantzu); eta elite mailan, Fernandez (San Cosme) 22-17 Astiz (Larraun) eta Anso (Zugarralde) 22-18 Alduntzin (Zugarralde).