Maite Amenabar da Zizurkilgo alkate berria. Zortzi urte eman ditu alkateorde gisa eta gaurko osoko bilkuraren ondoren, Iker Urruzolaren lekukoa hartu eta alkate karguan jardungo du datozen lau urteetan.
Maiatzaren 28ko hauteskundeetan gehiengoa eskuratu zuen EH Bilduk, aurreko legealdiarekin alderatuta zinegotzi bat irabaziz. Oposizioan, EAJk 3 zinegotzi izango ditu eta PSE-EEk 2. Kontxi Fernandez sozialistak ez du kargurik hatu gaurko bilkuran eta bere ordez, Gregorio Urretabizkaia izango da bigarren hautetsi sozialista.
Zizurkilgo udalbatza ondorengoek osatuko dute:
- Maite Amenabar Alkorta (EH Bildu)
- Edurne Mendizabal Lasa (EH Bildu)
- Joxe Mari Luengo Zapirain (EH Bildu)
- Arkaitz Zaldua Jauregi (EH Bildu)
- Xabier Pellejero Saralegi (EH Bildu)
- Xabat Oiarzabal Azketa (EH Bildu)
- Maria Jesus Celaya Eguiguren (EAJ)
- Jokin Garate Pujol (EAJ)
- Idoia Yeregui Telleria (EAJ)
- Jose Antonio Sanchez Almaraz (PSE-EE)
- Gregorio Urretavizcaya Arregui (PSE-EE)
