Eskualdeko emaitza guztiak:
EH Bilduk 658 boto eskuratuta, Maite Amenabar Alkorta izango da Zizurkilgo alkate berria. Bigarren EAJ geratu da 323 botorekin eta PSE-EE hirugarren 244 boto jasota. Baliogabeak 16 boto izan dira, 46 zuri eta %41,83-eko abstentzioa izan da. Hemen gaurko informazio guztia.
Maite Amenabar pozik eta oso hunkituta azaldu da emaitzen berri izan berritan: «Gehiengo osoa berretsi da. Azpimarratzekoa da herritarrek berriz ere eman diguten babesa. Hamabi urteren ondoren alkatetzan EH Bilduk jarraitzea nahi duela argi utzi du herriak. Oso-oso pozik gaude. Bagenekien legealdi zail honen ostean botoak jaitsi egingo zirela eta emaitza hauen balorazioa oso-oso ona da, oso baikorra». Hurrengo lau urteei begira ere jarri da Maite Amenabar: «Lan egitea tokatzen zaigu, herritar gehiengoari konbentzitzen jarraitzeko». Honela eskerrak emateko aukera probestu nahi izan du hauteskundeen emaitza ezagutu berritan: «Eskerrik asko babesa eman didaten herritar guztiei eta lanera». «Egingo dugu. Aupa Zizurkil», hunkitu batekin amaitu du esker mezua.
Zizurkilgo udalbatza ondorengoek osatuko dute:
- Maite Amenabar Alkorta (EH Bildu)
- Edurne Mendizabal Lasa (EH Bildu)
- Joxe Mari Luengo Zapirain (EH Bildu)
- Arkaitz Zaldua Jauregi (EH Bildu)
- Xabier Pellejero Saralegi (EH Bildu)
- Xabat Oiarzabal Azketa (EH Bildu)
- Maria Jesus Celaya Eguiguren (EAJ)
- Jokin Garate Pujol (EAJ)
- Idoia Yeregui Telleria (EAJ)
- Jose Antonio Sanchez Almaraz (PSE-EE)
- Maria Concepcion Fernandez Oses (PSE-EE)
