Bideoklipa

Onki Xin bikoteak 'Zailü' kantua argitaratu du

Tolosaldeko Ataria 2023ko eka. 9a, 19:59

Zigor Lampre zizurkildarraren taldeak bideoklip berria kaleratu du;Aieka estudioan grabatu dituzte abestiaren ahotsak, Peio Gorrotxategiren eskutik. Datozen hiru hilabeteetan kontzertu bana izango dute.

2018an sortu zuten Onki Xin, Zigor Lampre DZ Selektah Kolektiboa eta Esne Beltzako DJ billabonatarrak, eta Fer Apoa Estricalla eta El Corazon del Sapo musika taldeko abeslariak. 2019an, Biziko bagara Erregeen buruak zapaltzeko izango da diskoa kaleratu zuten. 2021ean, berriz, Hikikomori izeneko lana eraman zuten argitara. Orain, kantu berri bat kaleratu dute, bideoklip eta guzti: Zailü.

Datozen hilabeteetan hiru kontzertu dituzte aurreikusita. Lehena, ekainaren 16an, ostirala, Ereñotzun (Gipuzkoa); bigarrena, uztailaren 8an, larunbata, Iruñean (Nafarroa); eta hirugarrena, abuztuaren 12an, larunbata, Leitzan (Nafarroa).

Zailü kantuaren bideokliparen fitxa teknikoa:

  • Zuzendaritza, grabaketa eta edizioa: Unai Lizarza Amundarain.
  • Produkzioa: Fer Apoa, Zigor DZ eta Unai Lizarza Amundarain.
  • Dantzariak: Miren Uranga Lete, Nahikari Iturbe Eizagirre, Oier Laborde Etxabe eta Unai Lizarza Amundarain.
  • Musika eta hitza: Fer Apoa & Zigor DZ.
  • Nahasketa eta masterizazioa: Iñaki Bengoa, Shot!
  • Koruak: Nahikari Iturbe Eizagirre
Erlazionatuak

Garai zailetan, «gau musikaren» sua

Erabiltzailearen aurpegia Alex Uriarte Atxikallende 2021 abe 28 Zizurkil

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!