Maiatza Saltsan ekimenaren barruan Zizurkilgo erroten ibilbidea egingo dute datorren igandean, maiatzaren 22an. Joxe Arregi plazatik abiatuko dira 09:30ean eta 6,4 kilometroko ibilbidea egingo dute.
Orakaiztegiko errotaren arrastoak bisitatuko dituzte lehenik eta behin, eta ondoren, Akezkoerrotaren aldamenetik pasako dira. Handik Alkanizerrotatik gora Zizurkilgo Herrigunera iritsiko dira. Norberak bere kontura hamaiketakoa egiteko geldialditxoa egingo dute bertan. Atsedenaren ostean, berriro ere, beherako bidea hartu eta Loidierrota eta Adunibarerrota bisitatuko dituzte.
