Ihes gela bat antolatu dute martxoaren 26an Plazida Otaño Aiztondoko liburutegian. 14 urtetik gorako gazteek osatutako bi talde behar dituzte joko honetan parte hartzeko eta proba guztiak gainditzeko. "Probak gainditzen ez baditugu, gu ere zonbi bihurtuko gara", esan dute liburutegiko arduradunek.
Zonbiei aurre egiteko laguntza eskatu dute liburuzainek eta horretarako lehenbailehen izena ematera animatu dituzte gazteak. Liburutegira gerturatu beharko da izen ematera. Martxoaren 26an, 11:30etik 12:30era egingo dute.