Apirilaren 26ko osoko udal batzarrean erabaki zuen Zizurkilgo Udalak Uemako kide izatea, eta maiatzaren 29an Amasa-Villabonan egindako batzarrean mankomunitateko kide gisa onartu zuten udalerria. Amasa-Villabona ere egun berean onartu zuten Udalerri Euskaldunen Mankomunitateko kide gisa. Uemaren sorreraren 30. urteurreneko batzarrean egin zen onarpen eta ongi-etorri ekitaldia.
Aurrerantzean, Zizurkil herrira gerturatzen direnek begi bistan izango dute Zizurkil herri euskalduna dela dioen seinalea.
