Zizurkilgo udalak beste behin irmo salatu du azken hilabeteetan Joxe Arregi plazaren inguruan gertatzen ari dena. "Asteburu bat baino gehiagotan, goizera arte luzatzen diren festa eta parranda gune gisa hartua dago plaza, eta parranda horiei lotuta zarata, zikinkeria eta txikizio bat baino gehiago ari dira gertatzen. Onartu ezin diren jarrerak. Are gutxiago hainbeste herritar bizi den inguru batean" adierazi zuten atzo zabaldu zuten oharrean.
Zizurkilgo udalak zabaldu duen auzolanerako deialdia eta egoeraren bideoa:
Atzoko parrandaren ondoren, hauxe da gure herriaren egoera. Udala lanean ari da egoera hau errepikatu ez dadin. Plazak ezin du horrela geratu astelehena arte. Horregatik, auzolanerako deialdia luzatu nahi dugu. 11:00tan elkartuko gara plazan. Denon artean errazagoa izango da. pic.twitter.com/CYpAoFkEhN
— Zizurkilgo Udala (@ZizurkilgoUdala) January 6, 2022
Auzolanaren ondoren zabaldu duen esker mezua:
#Auzolana-ri esker, txukun geratu da Joxe Arregi plaza. Eskerrik beroenak gerturatu zareten guztiei. #Zizurkil pic.twitter.com/L2Kae3gTrF
— Zizurkilgo Udala (@ZizurkilgoUdala) January 6, 2022