Aiztondoko liburutegian astero biltzen dira Sami, Oihana, Izar, Gorka eta Aratz, Plazida Otañok antolatutako idazmen tailerrean. Oihana Iguaran dute irakasle eta ikasturte amaierara begira, egindako lanak herritarrekin konpartitu nahi izan dituzte.
Astelehenetik igandera, aste oso bati errepasoa eman diote gazteek euren bizipenak eta sentimenduak ardatz hartuta eta horretarako hitza erabilita. Gitarraren laguntzaz amaitu dute emanaldia eta kantuz egin dute aitorpena: "Zeinen ederra den sentimenduak idatziz kanporatzea".