Pello Mari Otaño bertsolariaren bizitza jasoko duen filma da Ombuaren itzala. Eguzki Art Zinema ekoizpen etxearen egitasmoa da eta auzolanean egin nahi dute pelikula. Urriaren 8an Zizurkilen egin zen proiektuaren aurkezpena eta ordutik herriz-herri aritu da azalpenak ematen Patxi Bisquert, ekimenaren bultzatzailea.
Filma gauzatu ahal izateko diru bilketa egingo dute datozen hilabeteetan. Ekarpena egiteko moduetako bat zine sarrera erostea izango da eta 30.000 saltzeko asmoa du ekoizpen etxeak, bakoitza 10 euroan. Ekarpen ekonomikoa egiteko modu gehiago ere badira eta https://pellomariotañoauzolana.eus/ webgunean izango dute interesatuek informazio guztia.