Kirol asteburua egingo dute Zizurkilen

Larunbatean eta igandean egingo dituzte ekimenak. Ume jolasak, Gipuzkoako Taldeen Halterofilia Txapelketa eta filma emanaldia izango dira egitarauan.

Abenduaren 19an, larunbatean, ume jolasak egingo dira Zizurkilen zehar, herriko elkarteen laguntzaz. Eguraldiaren arabera, jolas-eremuak zehaztuko zaizkie izena eman dutenei.

Horren ostean, larunbatean bertan, 16:00etan, Gipuzkoako Taldeen Halterofiliako Txapelketa jokatuko da Intxaur frontoian. Danok Danena elkarteko ordezkariek hartuko dute parte bertan. 

Eta, azkenik, igandean, abenduaren 20an, Mendi biluzia, Nanga Parbatera egindako neguko lehen igoera filma ikusi ahal izango da, 19:00etan, Arantzazuko Amaren Elizan, Alex Txikon bertan dela. Emanaldiaren aurretik, mendizale bizkaitarra posterrak sinatzen arituko da elizan bertan.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!