Goizean goiz elkartu dira, Pedro Mari Otaño plazan, bertatik Haizetsurako ibilaldiari ekiteko. Ondoren, ekitaldiaren txanda izan da. Oihana Iguaranek bertsoak bota ondoren, manifestua irakurri dute. Jarraian, agurra dantzatu dute Koldobika Jauregik, 2014an, torturatu guztien oroimenez egindako Barne Kanta monolitoaren aurrean. Amaitzeko, lore eskaintzaren ondoren, Eusko Gudariak kantua abestu dute. Ospakizunari behar bezalako amaiera emateko, Urkamendi elkartera joan dira bazkaltzera.
Egiari Zor fundazioak antolatuta, Torturaren Aurkako Egunaren harira, ekitaldia egin dute, eguerdian, Zizurkilgo Joxe Arregi plazan. Bertsoz, dantzaz, kantuz eta lore eskaintzaz omendu dituzte, behinola torturatuak izandako euskal herritarrak.
Erlazionatuak
Bertsoak, torturatuen omenez
2020 ots 16 Zizurkil
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!