Erasmus + egitasmoaren baitan kokatuta, 24 gaztek hartuko dute parte egonaldian, Zizurkilgoekin batera Donibane Garazikoak eta Elgoibarkoak ere joango dira. Gaelikoko errealitatea ezagutzeko Galway herrian egongo dira azaroaren 4ra arte, Muintearas Teo elkarteko 8 gazterekin.
Hizkuntzari lotutako tailerrak egiteko eta herrialde bakoitzeko gazteek beren hizkuntza gutxituarekiko duten harremanari buruzko hausnarketa bultzatzeko egingo dute egonaldia.
Erasmus + egitasmoaren baitan kokatuta dago egonaldia eta bigarren itzulia izango du abenduaren 2tik 9ra bitartean. Hondarribiko aterpetxean elkartuko dira, orduan euskararen errealitateari buruzko lanketa egiteko.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?