Gaur egun indarrean dagoen legediaren arabera, lan arriskuen prebentzioa baserrietan bete beharreko eskakizuna da, lehen lehenik, baserritarren osasuna eta etxekoen ongizatea babesteko eta bigarrenik, ustialekuetan kontratatuak dauden langileen istripuak ekiditeko.
Langileak izan ala ez, lan arrisku prebentzioaren legea bete beharra dute lehen sektore langileek, bakoitzak bere mailan eta era ezberdinean baina, denek bete behar duten legea da.
Iaz ospatutako lehen jardunaldiaren ondoren, aurtengoan, bigarrena hiru gaietan zentratu dute: Fitosanitarioen erabilpen ziurrerako gida berria, esne behitegietan iaz eginiko kontrolen ondorioak, eta azkenik, Amankomuneko zerbitzuaren berri ematea.