Aspaldiko ohiturak jaiotza batean

Luis Ugarte zizurkildarrak jaiotza jarri du Elbarrenako Arantzazuko Amaren parrokian. Errege eguna bitarte izango da ikusgai.

25 urte dira jaiotza jartzen duela Ugartek. Aurrena, Villabonako Aurrezki Kutxako erakusleihoan jartzen zuen eta azkeneko bost urteetan Elbarrenako elizan ikusi daiteke.

Ez da jaiotza bakarrik, "herria" azaldu nahi izan du Ugartek. "Errota, baratza, segan, aizkoran, arropa garbitzen, meta egiten, baserria, Olentzero... herri guztia azaldu nahi izan dugu hemen, egokia da jende guztiak ikusteko ere". Piezak ugarituz joan da, urtez urte. Aurten tolarea da nobedade nagusia. Pertsonaiak mugimenduan daude eta urte guzti hauetan ikusitakoak eraman nahi izan ditu jaiotzara zizurkildarrak. Besteak beste, Olentzoko errotaren kopia bat jarri du miniaturan.

Martxoan hasten da jaiotza berria prestatzen eta azkeneko hilabeteetan lan egin ondoren, eguberriak hasi aurretik jarri du Zizurkilgo Elbarrenako elizan. Meza ematen duten garaian bisitatu ahal izango da, eta bestela, 943 69 11 64 telefonoan eskatu daiteke txanda, jaiotza ikusteko.

Auzia ez da izan ala ez izan. Kontua ekitea da. Atarikide egitea, euskararen aldeko hautua egitea, zure herrian gauzak antolatzea, horren berri ematea, etxetik plazara salto egitea. TOLOSALDEKO ATARIA egiten duzun hori da. Egiten duzun neurrian gara.


EGIN ATARIKIDE!