Alatzne Etxaburuak agur esan die herri kirolei. Euskal Herriko Sega Txapelketa irabazi ondoren iritsi da agurra. Zizurkilgo kirolariaren ibilbide oparoa igandean amaitu zen, Kortazubin. Euskal Herriko Txapelketaren bigarren jardunaldia jokatu zen Bizkaian. Lehenengoa Zizurkilen izan zen. Bietan Alatzne Etxaburua nagusitu da. Alaitz Imaz hernialdetarrak, ordea, ez dizkio gauzak erraz jarri.
Ohiko eran jokatutako sega txapelketan Etxaburuak 1.143 kilo belar moztu ditu, bi jardunaldiak kontuan hartuta. Alaitz Imaz izan da bigarrena. Segan oso fin ibiltzen dela erakutsi du beste behin ere hernialdetarrak. 1.073 kilo pilatu ondoren, 70 kiloko aldea bakarrik atera dio Etxaburuak. Bi jardunalditako txapelketa izan dela kontuan hartuta, oso tarte txikia. Hirugarren eta azken sailkatua Eli Txertudi bizkaitarra izan da. 626,5 kilo moztuta.
Euskal Herriko Sega Txapelketaren bigarren eta azken jardunaldia jokatu da; Alaitz Imaz bigarren geratu da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!