Igandean 15:15ean jaso zuen abisua Ertzaintzak. Zauritutako pertsonak Zizurkilgo Bulandegi bidean aizto batekin eraso egin ziotela salatu zuen.
Kolpeak eta esku batean zauriak zituen gizonezkoak eta Ertzaintza gerturatu zenean, pisukideak aizto batekin eta makil batekin eraso egin ziola jakinarazi zien poliziei. Inguruan zebilen erasotzailea identifikatu eta 31 urteko gizonezko bat atxilotu zuten ertzainek, ustez, zauriak eragin izanagatik.
Aldi berean, erasotua izan zen 32 urteko gizonezkoaren aurkako ekinbideak ere abiatu ditu Ertzaintzak, erasotzaileari buruan makil batekin kolpeak eman eta zauri arinak eragiteaz akusatuta.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!